Sex tuah lai hrim ah ei lo dingmi tirawl hna

Sex tuah lai hrim ah ei lo dingmi tirawl hna

Sex tuahlai ah zei dah ei ding timi thei lo in na um sual maw? Na duh poh in na ding ei sual maw? Na partner he sex nan tuah lai hrim ah na hrial ding mi thiltampi an um, cu hna lak ah cun ei din lei ah, na ei bak lo ding mi tirawl phun 5 in kan van in hrawmh.
Research an tuahnak ah an hmuh thar mi cu sex tuah lai ah hrial ding tirawl hna kong ah a si. Cu hna nih cun feeling a tlau ter tawn tiah an ti.
Khah ttha tein rak zoh law, rak rel…a poi lo cu ti sual hlah. Nu pa pehtlaihnak a tthawn ter tu thil biapi tuah lai hna ah cun…a poi lo ti hrim hlah.. Khah zoh hna u sih…

1. Cheese (Pizza) – Cheese a si ah cheese in tuah mi thil dangdang, cu hna lak ah pizza a duh tuk mi na si ko lai. Sihmanhsehlaw sex tuah lai ah cun ei nai sum ah a ttha, zeicahtiah kaa rim a chiatter tik ah sex tuah a nuamh lo ter.

2. Daidim/vankhawng (Garlic) – Garlic na ei tikah kam rim a chia ko nain ngandamnak ca ah cun a ttha kho taktak. Si..ngandamnak ca ah ttha ko hmanhsehlaw Sex tuah lai ah cun a tongh zong tongh lo ah a ttha. Zeicahtiah a rim a chia tuk, na partner nih a tuar lai lo. Sex tuah nuam a ti lai lo.

3. Piat (Onion) – Onion zong hi ngandamnak ca ah a ttha ngai ko nain a rim a chia ngai ve mi a si. Cantawi te nan partner he caan nan hman caan a rim  chia ko in a tuah khawh dih.

4. Peti (Beans) – Bean  zong hi ngandamnak ca ah a ttha bak mi a si ko. Cun a rim a zong a chia lemlo. Asinain Sex tuah lai hrim ah ei lo ding tiah thiamsang pawl nih an chim hawi. A chan cu Beans nih hin thli a chuah ter, pawl thli a tam tik ah sex tuah a nuam kho lo.

5. Cawpi par hring (Broccoli) – Si.. aho poh nih Broccoli hi ngandamnak ca ah a tthan ti  cu theih dih a si ko. Asinain thiamsang hna nih hlathlainak an tuah tik ah Broccoli kan ei tik ah pawlpi nih a rial kho zok zoh lo, cun gas a chuah ter tik ah um tu tan a nuam kho lo, cu ca ah sex tuah lai hrim ah cun hrial ah a ttha.

Sex tuah lai hrim ah ei lo ding mi phun 5 na ei lo tikah na partner caah a ttha khun, tu hnu cun nuam tak  in mu..

Hi hna phun 5 kan ttial mi hlei zong ah hin tampi an um rih ko hna.  A dang kan van post tawn rih lai ca ah..rak cuan peng mu…na tlolh sual lai..

REf: Catch News

Relchap>>

Nungak nih a tlangval sin in ai ruahchan mi

Nungak nih a tlangval sin in ai ruahchan mi, tlangval nih i chinchiah ding

Tuchannu pawl nih an tlangval hna sin in an i ruahchan mi hi zeidah a si hnga tiah na ruah ve. Na ruahnak ah caan dih, a tang ah ttialcia mi tlawmpal te hi  rak rel ve.

Thiamsang hna nih an chim tawn mi cu..nu nih cun dawt an duh bik tiah ah chim, cu hnu ah phaisa zong ah zoh pah tisi, a chan cu phaisa zoh tu nu an tam ve tuk caah a si. Cun thiehthiam zong an duh tiah an chim rih. Mah hi cu pa zong nih kan duh mi an si ko hna i chim hau ah ka ruat tuk ti lo. kan theih dih mi zong a si fawn. Tutan ah nungak tampi nih an uar mi tlangval sin in an i ruahchan mi pakhat hnih langhter ve ka duh.

Tuchan nu paw nih an uar mi tlangval nih an cungah tuahseh ti an duh taktak mi pakhatnak cu... Social Media he pehtlaiin a si. Mah cucu Social Media cungah a ka duhnak langhter seh tihi nu nih an duh taktak mi pakhat a si cang. Mah cu langhter ning cu phun tampi a um ko lai. tch., a hmanthlak na timeline ah post, asiloah nan pahnih in nan langhnak hmanthlak post i a cungah a mah na dawt zia langhter, cun Feture photo ah a hmanthlak chiah ..tbk.. Hi hna pawl tuah nak in na DL cu a rak i lunghmuih kho taktak ti kha philh hlah.

A pahnihnak langhter ka duh mi cu, Nungak nih hin social media hmang in rak ka chawn seh, a si loah message in maw, phone call in maw rak ka chawn seh ti hi ai ruahchan taktak mi a si ve. Amah te lam a len lio hna ah chawn kho law, ai lunghmuih khun tisi. A hlecein khuachung milak ai chawh tikah  chawn kho law a ttha khun, a ningzah zong a reh deuh tisi.

Mah hi vial in sisehlaw,,a dang cu van share tthan khawh kai zuam rih te lail... Mah hi ca ka relnak Website min ka theih ti lo caah a ruah zia ka thiam dingah kan nawl hna..

Relchap>>

Nuva karlak ah a herhbik mi theihthiamnak

Nuva karlak ah a herhbik mi theihthiamnak

A herhbik mi theihthiamnak timi tlangpi hmang in tawi te in langhter tthan ka duh. Mah cucu sex lei kam in a si. Mitampi nih sex bak in cun kan ruah a thur colh. Asinain sex kong he pehtlaiin tampi theih hi a ttha mi a si.

Tutan ah pakhat tein vanlanghter ka duh mi cu nuva i theihthiamnak a si. Sex tuah tikah nuva i theihthiam a herh hringhran, i theihthiam lo nak nih chungkhar a buai ter tawn. Sex lei thiamsang hna nih cun sex tuah lai ah pakhat le pakhat i chimhchawnh ta ding tiah an chim. 

Sex tuah na cak deuh a si ah cun na cop kha ttha tein chim ta. i hnaw hlah..hmuansam tein i zimuai ta uh. Ka cak tuk cang tiin na cop kha rumro loin na tuah pi colh ah cun na cop diriam lo in na chiah sual ko lai. Voikhat voihnih diriam lo hi cu a poi tuk lo, asinain a voi tam cun buainak a chuah ter timi kha philh hlah. 

Cun na thazang nih a tlinh pah lo a si ah cun siiai zong hman ah ttha. Asiloah sex tuah caknak bak na ngeih lo ahcun umsawh ti hlah..aran khawh chung in Siinn ah kal colh. Atawifawi nak tein internet ta van leh chin mi a si. A hnu ah rak kanleng law...a dang zong tampi kan ttial mi na rel khawh hna lai...

Credited:Sailai Mai Journal

Relchap>>

Nu nih pa sin in an i ruahchan mi phun 7

Nu nih pa sin in an i ruahchan mi phun 7 

Nan nu he maw, na nungak he maw, pakhat le pakhat i pehtlaihnak a tthawn chin lengmang nakhnga nu nih pa sin in an i ruahchan mi phun 7 te hi rak rel ve.

Nu cu a nemtuk mi laphang bantuk an si bantuk in naute bang zokhenh thiam hi a biapi hringhran, zeicahtiah Pa cu a lungtthawng deuh mi a si. A u nih a nau a dawt hmasa awk a si an ti bang, pa nih nu hi dawthmasa awk an si.

Si ahcun a tang ah hin nu pawl nih pa he pehtlaihnak an ngeih tikah pa sin in hmuh ve an duh mi tampi lak ah duh a nung bik mi phun 7 hi rak rel ve.

1. Hmaizah, Upat

A hopoh nih upat mi si cu kan duh dih ko, asinain upat tlak in kan um ve tawn lo. Asinain na kawp he nan i pehtlaihnak ah cun na upat ve hrimhrim a herh ko. Zeicahtiah a mahhe lungrual in pei chungkhar nan dirh tti, a mah he pei nun pakhat nan i hrawm tti kha. Na nun ah a rak i fonh cang mi a si bantuk in na upat ve hrimhrim awk a si. (Dirhmun tampi ai bang lo mi a um, cu lak ah a awmang mi a um ve).

2. Cohlan

Na chungkhar ah pacem na si i chungkhar lu cem zong na si. Asinain na chungkhar, na nupi, fale asiloah na kawp (nungak) nih ttemh chom i ai dawh mi duhdawtnak siloin zeitik caan poh ai dawh mi duhdawtnak in hong kan daw seh ti an in duh. Rawl an duh bantuk in rak kan daw sehlaw zeitluk tam in dah kan rak ei khawh ve lai ti hi an in duh. Cu ti si loin bia na ceih tuk hna or na sik tuk hna asiloah an thil tuahmi ah na cohlan lo caan a tam ah cun..nan i pehtlaihnak a fek kho lai lo. cu caah na  kawp kha a um dan, a tuah mi ah na cohlan khawh ve a hau.

3. Romantic

Nu pawl nih hin romantic thil tuah pi hi an duh bik mi pakhat cu a si ko. Na nungak hrimhrim cu romantic deuh thil pakhat khat tuahpi khawh i zuam. Mah hi hi nungak thar helhnak zong ah a ttha taktak mi a si.

Na kawp nih khan ka sinah um a duh, len le vah a duh timi kha theih peng sehlaw mah cucu romantic taktak pakhat ah ser khawh nak lam pakhat cu a si. na duh taktak ah cun na ser khawh ko lai, asinain na hnawl pah cang ah cun a pawng um zong na huam theng ti lai lo, cutikah nu lungthin a nuam kho bal lo.

4. Lungthinpek

A biachim mi ah maw, thil pakhat khat a tuah tikah lungthinpek in ngaih piak maw, zohkhenh cu na nungak nih na sin ah a duh cem mi a si. Mi dang nan um lio caan zong ah a bia ngaih piak (Tch, midang nih bia an rak chim ve lai, cu tikah a bia chim na theifiang lo asinain mi bia lailak ah zeitin ee dawt tiin na hal ah a ttha khun)

Cu si loin mibia chim mi na ngaih peng ah cun a um har lai, ai nuam kho lai lo. Call, cun text message kua ringring. Cun a mah kong na ruahnak or a zawn an ruah nak kong kha chim lengmang.

5. Ai rual tein ttuantti (bawmh)

Inn khat i nan um tikah innchung thianhhlimh maw, thil pakhatkhat tuah herh mi um tikah amah lawng rinh loin na bawmh ve ah na nupi or ngaknu cu ai nuam taktak. A taktak ah cun lungrual tein inn  pakhat nan dirh tti tikah innchung tang rian ah na bawmh pah ve hrim awk  a si. Ai phu zo ve tawn lo, cu tikah a ingpuang kho ve, a ingpuan lo nak ding ah na rak bawmh ve zong thilttha tak tuah na si.

6. Lungduhnak ding tuahpiak

Zingzaan nih a tam, caan nih ai her lengmang, na kawp na dawt zia langhter nak caan ttha hmuh zong a har cang. Cutikah lungduhnak ding thil pakhat khat kha a ruang um lo zong ah tuah piak ah attha. Tch. laksawng hme te pek tbk...Nan i sii in nan thinhannak zong a um theng lai lo, asinain a dul tuk mi nan i pehtlaihnak kha tharter lengmang nak ding ah thil pakhat khat tuah ah a ttha. Cu lungduhnak ding pakhatkhat tuah tikah a miak cu lunglawmhnak lawnglawng kha a si ko.

7. Sex

Sii..nu nih hin sex tuah hi an duh. Hi ti ka chimnak chan cu a caan ah cun pa nakin nu nih sex tuah an duh deuh tiah thiamsang hna nih an chim ruang ah a si. Ning zah ding um lo. Sex tuah ding na thathu hlah seh, tinelnul zong in um hlah. Active tak in um i zuam. Sex nih hin nupa karlah tawhfung a tlaih caah ttha tein kil ven a hau, na thlau ah cun nan lut kho ti lai lo.

Ref: NDTV

Relchap>>

Nungak le Tlangval nih kan theih a herh mi

Nungak le Tlangval nih kan theih a herh mi

Zei cung ah dah na lungput ai tthumh? A hleicein pa nih kan ruah awk ah ka duh.

Minung nih kan khuaruahnak hi a thuk in a sang ve ko tiah kan i ruah sual tawn. Kan cung i thil a cang mi hna hi kan fimthiamnak in le kan thazang tthawnnak hna in kan tawlrel tawn hna. Milung fahnak biachim thiam ve hi kan lung duh nak pakhat a si ve.

Kan tuahttuannak ah dawtnak kan ngei kho taktak tawn lo. Zumtu ai ti mi nih mi Pakhat cung ah kan lungput cu kha pa um tuning hawih in lungput kan ngei. A kan dawt ahcun, dawt ve. A kan huat ah cun huat ve. A kan ti hmasa lo ahcun ti ve lo..tbk. in khua a sa mi kan si cang hna.

Mi nun va hrawh piak cu kan thil ti khawhnak bantuk ah kan ruah. A hleice in mi fanu dawt te a nun va hrawh cu pa pawl caah cun a fawi ngai mi le kan mah le mah kan i nak zawn pakhat bantuk a si ve cang. Kan mah kan nun hi zeibantuk dah a si timi hi fiang in kan ruat tawn lo i kan philh sual tawn. Bia le lam tiah van chim chin ko ning..Pa pawl nih mifanu dawt cu kan duh bak tiah kan tthit hna, kan i daw ko i tefa kan ngei ve cang ai..cu tikah pa ttheu cu lungthin dang a ngei mi zong an um kho ko men lai nain, kan dawt le kan duh mi cung ah kan lungput cu kan duhdawt mi umtuning cung ah kan tthumh tawn, a karlak i kan nu le pa veve holh le bia cung ah kan i dawtnak cu kan tthumh tawn.  Zeitluk in dah kan i duhdawt ti cu chim ngam hmanh khi a si lo. Mipakhat a simi, puitling a si mi lungput si awk ah ka duh tuk mi cu.. “A khuaruahnak le a lungput cung ah nawl ngei tu cu amah bak si ko seh” tihi a si. Kan nih cu kan lungput hi pei a tu le tu kan thlen cu, mi biasi phai men ah pei kan tha thawhnak a tlau dih cu, mi soisel ruang men ah pei kan lungput a cawlcangh tuk cu, nu le bia ruang te hna ah nupi le a tthen bal mi minung nakin ka zangfahmi an um hnga maw? Kan nu le pa bia ruang sawhsawh ahcun kan fale zei a thei rih lo mi hna nun hrawk ti hlah u sih. Lami tampi kan fale cu ngak ttah an si, a ruang cu nupa karlak ah ai thlak huam tuk mi, mi zei si lo pawl bia ruang men ah a si ko. Cu tluk in a puitling lo mi minung nih zeitindah fapa ttha, fanu fel cu a ngeih khawh bal hnga.

Laimi lak ah mifim kan ti mi hna, cathiam kan ti mi hna tampi nih an ka tluk lo nak cu a cung i kan chim mi ruang ahhin a si. Kei ka lungput cu..ka nu le pa ruahnak ah ai tthum mi a si lo, mi chimnak men ah ai tthum mi a si lo, kei mah cung ah,,ka thinlungkhuaruahnak cung ah ai tthum mi a si. Ttha tein ka ruah hnu ah a ttha ko ka tuah lai ka timi cu, mi dang biasiphai ruang men ah kai let lai lo. Asi khawh lo hrek ahcun tuah awk cu ttha fam lo cu the..sihmanhsehlaw mi chim nak men ah cun kan lungput ai tthum hrimhrim lo. Hi zawn tak ahhin kei mah nak in cathiamsang hna nih an ka tluk lo nak zawn a si ko rua ka ti. Careltu nang na lungput teh zei cung ah dah ai tthumh.

Relchap>>

Nungak nih a tlangval sin in a hnabeisei mi phun 5

Nungak nih a tlangval sin in a hnabeisei mi phun 5

 

Tlangval hna nih theih a herh tuk mi a si. Tlangval na si ahcun rak rel ve, cun pa na si ahcun rel hrimhrim. Nu ruahnak hi a mak lo tuk tiah a ruattu an um. Asinain nehsawh ding a si lo. Nu rengreng hi an ningzah a fawi, cun an lungtur zong hi  a fawi ngai ti si. cu caah mi cheu nih cun nungak dawhdawh kha an hlen tawn hna nak a si. an lung zur zong a fawi i, Pa caah awkam hrang lemlo khi Nu caahcun a rak hrang tuk,, an tuar a har. Nu hna nihhin an mah le an dawt sin cio in hnabeisei mi an ngei..an hnabeisei  mi cu ai lo men lai lo nain a tlangpi in cun ai khat deuh ko. Mi cheuh nihcun cu thil cu an chim ngam tawn lo, cu tikah Pa nih theihthiam piak an hau. Khah a si ahcun zeibantuk cu dah an beisei mi cu a si zoh hna usih..

1.Laksawng

A ho poh nih laksawng hi kan duh lai dah ka ti. Asinain na dawt mi nungak no te kha laksawng na pek tikah, a thinlung tampi na lak khawh lai. Nu hna nih hin Dawtmi sin in laksawng a hme maw, a ngan maw co hi an duh I an i lunghmuih bik mi a si. Pangpar pakhat te zong kha pe ko..Nu hna nih an duh bik mi a si.

2.Chinchiah tlak Ni sunglawi

Chinchiah tlak ni sunglawi na ser piak khawh ahcun.. a philh ti lai lo. Tch,, a Birthday ni hna kha philh lo tein a mah nih an chimh hau lo in, thil pakhat khat Birthday lawmhnak caah na tuah piak ahcun, ai lunghmuih tuk cang. Pa zong kan si ko lai dah. Nan i uar/duh mi hna kha cu a philh in philh hlah…kha ni chuahcam poh ah nan I dawtnak a ngan deuhdeuh nakhnga chinchiahtlak pakhatkhat tuahpi, zeitik hmanh ah aphilh lai lo.

3.Fak, Thazangpek

Aharsat caan ah thazangpek umpi hi an duh, zeicahtiah nu cu an lungthin a cang lo, an ttih a fawi, a lungthin rawk a fawi, cucaah thazangpek, fak hi a philh in phil hlah. Mi lak zong ah zahpi loin theihternak tuah tbk tiang khi an beisei I an duh mi a si.

4.Zohkhenh

Aho poh nih dawtnak he zohkhenh cu kan duh dih mi a si ko. Pa hi cu zohkhenh tu kan va neih lemlo zong ah Pa pei ka si ve tiin thinlung cang mi kan si. Asinain nu cu Pa bantuk in an si ve lo caah,, ttha tein zohkhenh hi an duh,,milak chuah tik zong ah midang nakin ttha deuh in zohkhenh thiam ding, an lungrawk caan a um lai,, cu tikah na kal tak sual, asiloah thei lo bantuk in na um ahcun na cungah a ruahnak ai dang kho colh. Cucu minung phung a si ko lo maw? Thil pakhat a can tik ah na dawt taktak zia kha theih a duh i, nei ning law the ka caah a ttha taktak lai maw? ti hi an ngiat peng mi a si.

5.Tthit

Mah le dawtmi cio nih ka tthi seh ti hi duh dih cio a si. Nungak ko nih hin an duh khun. Na lenpi na vah pi len ttung i na tthit duh ttung lo ahcun an caah a fakbik hlennak a si. Cucaah na dawt mi kha na ka nei kho hnga maw? In hal ninglaw na cohlang la maw? tiin hal hi an i ruahchan tuk mi a si. Kum khat deng na I duh cang nain tthit umhnak kong na chimh bal lo ahcun…a ka duh taktak lo ti hi nan karlak dal tu a si. Cucaah a lungtein ngiat mi dang a rak ngei kho, cucaah ai rauhchan bik mi tthitumh caan kha hal philh hlah..

Ref;Duwun , Internet

Relchap>>